کرشےلیئر کی طرف سے
یعقوب 5 : 11-7: "دیکھو کِسان زمین کی قیمتی پیداوار کے اِنتظار میں پہلے اور پِچھلے مِینہ کے برسنے تک صبر کرتا رہتا ہے۔ ” (7 آیت)
جو نسل در نسل کسانوں کی لمبی پِیڑھی سے چلے آتے ہیں شاید اُنہیں ایک مضبوط کام کے اخلاقیات وِراثت میں مِلتے ہیں۔ اپنے آباؤ اجداد کے اثر سے، وہ موسموں اور بارش کی ضرورت کے بارے میں آگاہی پیدا کر چکے ہوتے ہیں ۔ شاید دلچسپی کے ساتھ اپنے بارش کو ماپنے والے آلے چیک کر تے رہتے ہیں اور خشک سالی کے دوران بارش کے لیے دعا کرتے رہتے ہیں۔
اور انہوں نے انتظار کرنا سیکھ لیا ہوگا۔ ہم کھیتی باڑی کے اس اثر کو یعقوب کے خط میں ’بارہ قبیلوں‘ کے نام اس حوالے سے دیکھتے ہیں، جو غالباً نئی کلیسیا کی نشاندہی کرتا ہے۔
مشرق وسطیٰ کی اس آب و ہوا میں، بارشیں سال میں دو بار آتی تھیں۔ اس انتہائی ضروری غذائیت کے ساتھ، فصلیں بڑھیں گی اور پھلیں پھولیں گی۔
لیکن کسان بارش کو مجبور کرنے کے لیے کچھ نہیں کر سکتے۔ وہ صرف انتظار کر سکتے تھے اور صبر کر سکتے تھے، یہ بھروسہ کرتے ہوئے کہ خُداوند جو کچھ ضرورت تھی وہ فراہم کرے گا۔
صبر رُوح کا ایک پھل ہے جسے ہم میں سے بہت سے لوگوں کے لیے پیدا کرنا مشکل لگتا ہے۔ ہم اکثر متوقع نتائج کا انتظار نہیں کرنا چاہتے۔ ہم اُسے ابھی چاہتے ہیں۔
شاید جو لوگ زمین پر کام کرتے ہیں وہ ان لوگوں کے مقابلے میں صبر اور خدا پر انتظار کرنے کے گہرے احساس کا مظاہرہ کرتے ہیں بمقابلہ اُن کے جو نہیں کرتے، کیونکہ وہ زمین سے جُڑے رہتے ہیں، مدد اور امید کے لئے خدا کی طرف دیکھتے ہیں اور زندگی کے چکر سے واقف ہوتے ہیں۔
چاہےہم کسان ہیں یا نہیں، ہم سب اپنی سانس، زندگی اور رزق کے لیے خدا پر انحصار کرتے ہیں۔
جب ہم اس دن اپنی برکات اور اپنی مُشکلات کا جائزہ لیتے ہیں، تو دُعا ہے کہ ہم اُس خُدا کو یاد رکھیں جس کی طرف سے تمام برکات آتی ہیں۔ اُسی میں ہم ثابت قدم رہنے کی طاقت چاہتے ہیں، یہ جانتے ہوئے کہ اُس کی آمد قریب ہے۔ (8 آیت)
دُعا : "اَے موسموں کے خُداوند ، میری مدد فرما کہ جب زمین سخت ہو اور بارشوں کا نام و نِشان دکھائی نہ دیتا ہو تو اُس وقت بھی میرا بھروسہ تجھ پر ہو۔ میں اپنی آس تجھ پر رکھتا ہوں۔” آمین۔
عملی اقدام : خدا کا شکر ادا کرنے کے لیے اپنی زندگی پر نظر ڈالیں کہ وہ آپ کو انتظار کے ادوار میں سے کیسے نکال لاتا ہے، اُس کی رہنما حضوُری کو محسوس کریں ۔
:غور کرنے کے لیے کتاب
اِستشنا 28: 12-9 ، یرمییاہ 17: 8-7 , 1. کرنتھیوں 3 : 9-6 , عبرانیوں 6: 9-6
