کُلسیوں 22:3-1:4 ’’جو کام کرو جی سے کرو ۔ یہ جان کر کہ خُداوند کے لیے کرتے ہو نہ کہ آدمیوں کے لیے۔‘‘ (23:3)
ہو سکتا ہے کہ ہم غلامی کے بارے میں پولوس رسُول کی طویل گھریلو ہدایات پر حیران ہوں ، خاص طور پر شوہروں اور بیویوں اور والدین اور بچوں کے بارے میں مختصر ہدایات کے مقابلے میں۔
شاید پولوس رسُول اس موضوع کو مزید تفصیل سے بیان کرتا ہے کیونکہ انیسمس کو ایک صوُرتِ حال درپیش تھی، جو فلیمون کا غلام تھا،جو اپنے مالک کے ساتھ دھوکہ دینے کے بعد، شاید پیسہ چوری کرکے بھاگ گیا تھا۔
انیسمس کے توبہ کرنے اور مسیح میں نئی زندگی میں آنے کے بعد پولوس رسُول نے فلیمون کو لکھا، جو غالباً کُلسیوں کی کلیسیا کا رکن تھا۔
وہ کہتا ہے کہ وہ انیسمس کو فلیمون کے پاس واپس بھیجے گا اور التجا کرتا ہے کہ فلیمون اسے آزاد کر دے گا اور اس کی غلطیوں کو معاف کر دے گا۔
اس کے ذہن میں اس صورت حال کا مطلب یہ ہو سکتا ہے کہ پولوس رسُول اس خط میں غلام/مالک کے تعلقات کو دیکھنے میں زیادہ وقت صرف کرتا ہے۔
ایک بار پھر، وہ ثقافتی روایات کو رد نہیں کرتا، بلکہ ایمانداروں کوآپس میں خُدا خوفی کے ساتھ سلوک کرنے کی ترغیب دیتا ہے۔
اگر وہ غلام ہیں، تو انہیں اپنے مالک کا احترام صرف اس وقت نہیں کرنا چاہیے جب مالک انہیں دیکھ رہا ہو، بلکہ اس وقت بھی جب وہ نہ دیکھتے ہوں۔ اور مالک اپنے غلاموں کے ساتھ اچھا سلوک کریں۔
ہو سکتا ہے کہ ہم (شکر ہے) غلام یا مالک نہ ہوں ، لیکن نوٹ کریں کہ پولوس رسُول کی ہدایات آج ہم پر کس طرح لاگو ہو سکتی ہیں، خاص طور پر جو کام کریں جی سے کریں۔ یہ جان کر کہ خُداوند کے لیے کرتے ہیں نہ کہ آدمیوں کے لیے (آیت23)۔
ہم بامعاوضہ ملازمت میں ہوں یا نہ ہوں، لیکن ہمارے سامنے کوئی بھی کام ہو، ہم اپنے پورے جذبے اور عزم کے ساتھ کام کر سکتے ہیں، ایک بہترین کام کر ناہے کیونکہ ہم خدا کی تعظیم کرنا چاہتے ہیں۔
آخرکار، اگر یسوع ہمارا مالک ہے، تو کیا ہم اپنی پوری طاقت اور توانائی کے ساتھ کام نہیں کرنا چاہیں گے (جب کہ یہ جانتے ہوئے بھی کہ ہماری شناخت کا انحصار ہمارے کام پر نہیں ہے)؟
دُعا:
اے خداوند یسوع مسیح، تیرا شکر ہو کہ آپ نے ہمیں غلامی سے آزاد کیا، اور یہ کہ آپ ہمارے معاشروں میں انصاف کی آرزو رکھتے ہیں۔توفیق بخش کہ میں بھی اس مقصد کے لیے کام کروں۔ آمین۔
عملی اقدام:
کسی جنسی تجارت سے لڑنے والی تنظیم کے بارے میں تحقیق کریں اور دعا کریں کہ آپ کیسے ان کی مدد کر سکتے ہیں
غور کرنے کے لیے کتاب: پیدایش 1: 17-15, زبور 90: 17-16, افسیوں 4: 29-28, 2.تھسلنیکیوں 3: 12-10
