ارمتیاہ کا یوُسف اور نیکُدیمس – یسوع کے شاگردوں کے طور پر جرات کا مظاہرہ کرنا

نیا عہد نامہ ہمیں بتاتا ہے کہ ارمتیاہ کا یوُسف اور نیکُد یمس باہر کھڑے تھے جب کہ ہجوم یسوع کے مصلوب ہونے سے اتنا حیران تھا کہ تقریباً تمام شاگرداپنی حفاظت کے لیے موقع سے فرار ہو گئے تھے۔۔ اُنہوں نے پیلاطس سے یسوع کی لاش مانگنے کی ہمت کی اور پیلاطس نے اُن کی درخواست پر عمل کیا۔

متی ہمیں بتاتا ہے کہ ارمتیاہ  کا یوُسف ایک امیر آدمی اور یسوع کا شاگرد تھا (متی 57:27)۔ مرقس سے ایک قابل احترام قانون ساز کے طور پر بیان کرتا ہے جس نے خود خدا کی بادشاہی کی تلاش کی تھی (مرقس 15 :43)۔ لوقا بتاتا ہے کہ اس نے یسوع کے بارے میں ’’ان کے فیصلے اور عمل سے اتفاق نہیں کیا تھا‘‘ (لوقا23 :51) جبکہ یوحنا اسے یسوع کا ایک خفیہ شاگرد کہتا ہے (19 :38)۔

ہم یہ بھی پڑھتے ہیں کہ نیکُودیمس سنہیڈرین کا رُکن تھا، یہودی حکمران ادارہ جس نے یسوع کو مُجرم ٹھہرایا تھا۔ جب یسوع رات کو اُس سے ملنے گئے، تو اُس نے اُسے نئے سرے سے پیدا ہونے کے بارے میں بتایا (یوحنا 3:3)۔ جب فریسیوں اور کاہنوں نے یسوع کو گرفتار کرنے کی سازش کی تو نیکدیمس نے یسوع کا دفاع کیا (یوحنا 7)۔ آخر میں وہ مُر اور عُودکا مرکب لے کر آیا اور اسے یسوع کے جسم پر ملا۔

بادشاہی دور اندیشی کو فروغ دینا

اگرچہ ارمتیاہ کا یوُسف اس کونسل کا حصہ تھا جس نے یسوع کو موت کی سزا سنائی تھی، لیکن وہ اس غیر منصفانہ سزا سے متفق نہیں تھا۔ ہاں، وہ اپنے وقت کے مقبول افکار اور عالمی نظریہ سے متاثر نہیں تھے۔

اس کے بجائے، اس نے اندرونی یقین سے حکومت کی۔ خدا کی بادشاہی پر ایمان لانے کے بعد وہ اس کے منتظر تھے۔ "تیری بادشاہی آئے!” یہ اس کی سانس رہی ہوگی۔ اس دور اندیشی نے اس کے کاموں کو ایک بادشاہی شہری کے طور پر رہنے پر مرکوز کیا۔

ہمارے لیے بھی، بادشاہی سوچ رکھنے والا ہونا ان تمام چیزوں کے لیے اہم ہے جو ہم خواب دیکھتے اور کرتے ہیں۔ یسوع کی طرف سے شروع کی گئی بادشاہی ہر قبیلے، زبان اور قوم کے ماننے والوں کے دلوں میں کامل ہوتی رہے گی جب وہ اس کی طاقت کے تابع ہوں گے۔ لہٰذا، ہماری زندگیوں کی مستقل اور شعوری لگن اور پرجوش دعا جو بہت سے لوگ خداوند یسوع مسیح کی طرف کرتے ہیں آگے بڑھنے کا راستہ ہے۔

اس کے بجائے، ہم اس دنیا کی چیزوں میں الجھ جاتے ہیں یعنی پیسہ، پیشہ، کامیابی وغیرہ۔ بادشاہی کے جلال کے لیے زندگی گزارنے کے لیے ہمیں خود کو ان سے دور رکھنا چاہیے۔

یہ توجہ اور دور اندیشی اس دنیا میں ہماری خواہشات کی رہنمائی کرے گی اوریوُسف کی طرح ہمیں ایمان کی راہ پر گامزن کرے گی، چاہے ہمارے اردگرد کسی قسم کی افراتفری کیوں نہ ہو۔

اُن کی ساکھ کو خطرے میں ڈالنا

یوُسف کو یسوع کا شاگرد کہا جاتا تھا، نیکُیدیمس بھی یسوع کی پیروی کرنے لگا۔ وہ شاگرد، جو یسوع کے مصلوب ہونے سے پہلے "چھپے ہوئے” تھے،کھلے عام لوگوں کی نظروں میں سامنے آئے جسے دوسروں نے ایک عجیب وجہ قرار دیا۔ دونوں نے پیلاطس سے یسوع کی لاش مانگنے کی ہمت کی، جو غداری اور بغاوت کے مرتکب سمجھے جاتے تھے اور پیلاطس نے اٰن کے اِلتجا مانی۔

یقینا، یہ ان کی شاہی ذہنیت تھی جس نے انہیں پیلاطس سے یہ درخواست کرنےکی حوصلہ افزائی بخشی۔ ایسا کرتے ہوئے، اُنہوں نے اپنی ساکھ کو خطرے میں ڈال کر یسوع کو وہ کچھ دیا جس کا وہ حقدار تھا—ایک "شاہی تدفین”—حالانکہ وہ جانتے تھے کہ ایک مجرم کی لاش کو ایک خالی قبر میں یا پتھروں کے ڈھیر کے نیچے پھینک دیا جائے گا۔ یہ معمول کے خلاف تھا۔ یسوع کو جلال دینے کے لیے، ہمیں یوُسف اور نیکُید یمس کی طرح جھکنے کی ضرورت پڑ سکتی ہے ، جنہوں نے اپنی حیثیت اور ظاہری شخصیت کے باوجود، یسوع پر اپنے ایمان کی وجہ سے کوئی شرمندگی یا تکلیف محسوس نہیں کی۔

اپنے وسائل کو خطرے میں ڈالنا

جب ہم بادشاہی پر مرکوز رہنا چاہتے ہیں تو ہمیں قیمت ادا کرنا ہوگی۔ یوُسف نے اپنی قبر کو بچالیا، نیکُودیمس ، یسوع کے جسم پرلگانے کے لیے 50 سیر کا مُر اور عوُد مِلا ہوُامصالحہ لے کر آیا۔ اگرچہ ایک شخص کی لاش کے لئےایک سیر مُر اورعوُد کی مقدار کافی ہوتی تھی۔ لیکن 50 سیر کا مُر اور عوُد مِلا ہوُا مصالحہ یسوع کے لیے نیکُودیمس کی گہری محبت کو ظاہر کرتا ہے۔ وہ یسوع کو شاہی تدفین دینا چاہتا تھا۔ نیکودیمس کا خیال تھا کہ یسوع اس کے پاس موجود ہر چیز سے زیادہ قیمتی ہے، جو بالآخر یسوع کے لیے لائے گئے مصالحوں کی بڑی مقدار میں ظاہر ہوتا ہے۔

یسوع کے لیے قیمتی خزانے اور وقت دینے کی آمادگی ظاہر کرتی ہے کہ یسوع ہمارے لیے کیا معنی رکھتا ہے۔ آج، یہ اس کا جسم، چرچ ہے، جسے عالمی سطح پر لاتعداد خطرات، مشکلات اور ظلم و ستم کا سامنا ہے۔ اسی طرح مسیح کے جسم کے اندر معاشی عدم مساوات کے بارے میں کسی قسم کی بے حسی ناانصافی سے کم نہیں۔ یسوع کے لیے ہم جو سب سے بہتر کام کر سکتے ہیں وہ ہے اپنی دولت، وقت، ہنر وغیرہ کوخوشی سے اور رضاکارانہ طور پر استعمال استعمال کریں جب ہم اس عید کے موسم کو دیکھتے ہیں ۔ (متی25 :40)